رئيس التحرير
اسلام شريدح
رئيس مجلس الاداره
اشرف نور
الشوط التالت
20-01-2020 16:09:18
الشوط التالت
Bookmark and Share
برنامج علاقة الرياضة بالمطبخ

المذيع: سيداتى آنساتى سادتى ….. السلام عليكم ورحمة الله وبركاته … من إستاد القاهرة الدولي يسرنا أن ننقل لكم اليومالطباخ: طريقة عمل الملوخية بالأرانب مع طبق السلطة

المذيع: يتكون فريقنا القومى منالطباخ: أرنب – ملوخية – ملح – صلصة – وشوية بهرات المذيع: أما الفريق المنافس فيتكون منالطباخ: خياراية – قتاية – فلافلاية – لموناية – وبرنجاناية

المذيع: وفريقنا النهاردة حايلعب بطريقة جديدة حاتخلى الفريق التانى .. الطباخ: يتقطع ترنشات صغيرة ويتقلى فى الزيت

المذيع: أما الفريق المنافس فمن الواضح إنه حايعلب بطريقة

الطباخ: أم على .. وهى طريقة سهلى وبسيطة خالص

المذيع: أعزائي المشاهدين … وبيحضر لقاءنا النهاردة سيادة الدكتور

 

الطباخ: لمونة … ومهم إنك تجيبيها وتعصريها على

المذيع: جمهورنا الحبيب الغفير واللى منتظر النهاردة من فريقنا إنهالطباخ: يتغسل كويس من الطين اللى عليه ويتقطع حتت صغيرة

المذيع: وبنشكر رجال التنظيم اللي عاملين شغل جامد قوي واللى بصراحة

الطباخ: مالوش لازمة خالص … ممكن بصلة وكشاف تغنى عنه

المذيع: والحقيقة منظر الإستاد بديع جداً خصوصاً النجيلة

الطباخ: لما تخرطيها بالمخرطة وتقدميها للضيوف .. يا سلام .. لذيذة لذيذة لذيذة

المذيع: وبيحكم لقاءنا النهاردة أعزائنا المشاهدين الحكم الدولى الكابتن

الطباخ: فجلة

المذيع: واللى جه من إيطاليا مخصوص علشان يحكم ويتأكد بنفسه إن الرياضة عندنا

الطباخ: تترمى فى الصفيحة

المذيع: واحنا الآن على وشك بدء المباراة … والفريقين ومعاهم الحكام نزلوا

الطباخ: فى الصينية ….. بس ترصصيهم كويس عشان مايتهرسوش

المذيع: وبدأت المباراة – وواضح إن الفريق المنافس بيهدى اللعب عشان يمتص

الطباخ: الشوربة الكتيرة اللى عندك – تعنيها بدل ما ترميها

المذيع: جوه أرض الملعب … والكورة مع نمرة 10 وصلحها لنفسه وشاط وشاط وشااااااااااط ..

الطباخ: الرز اللى فى الحلة … تقلبيه … وحاولى وانت بتقلبى تمسكى ودن

المذيع: الحكم … ما قالش حاجة … وماشى هو والجون … هو والجون … ودخلت الكورة

الطباخ: الفرن لمدة ربع ساعة … ولازم ربع ساعة لغاية ما يتحمر

المذيع: الفريق كويس – كده متقدم 1/ صفر أما الفريق المنافس فمافيش قدامه غير

الطباخ: نشيل الريم اللى على وشه كل ما يغلى

المذيع: وبصراحة الونج اليمين متألق جداً لكن الونج لفت

الطباخ: لازم تقطعى راسه – وتحطيه فى برطمان صغير لمدة 3 أيام

المذيع: نقترب من انتهاء المباراة … واللعب حمى … وفيه اتنين من الفريق الثانى دخلوا جامد على نمرة 9 عملوه

الطباخ: كفتة – محشية باللحمة الحمرا … تفرمى اللحمة وبعدين تفرديها

المذيع: على الأرض … وأنا شايف اللاعب بيخر من دماغة

الطباخ: مش … علشان تحدقى بيه فى الآخر

المذيع: ودخل الدكتور للاعب المتعور وواضح إنه بيقول

الطباخ: لازم ندبحه ونسلخه ونشيل مصارينه ونقطعة حتت وبعدين نحطه

المذيع: على النقالة علشان يتعالج بره والدكتور بيربط دماغ اللاعب بـ

الطباخ: حتة قماش م اللى بتمسحى بيها الترابيزة

المذيع: وأنا شايف الحكم فى وسط الملعب… وحاطط فى بقه

الطباخ: شدتين جرجير … وما تنسيش تغطى الأكل عشان زى ما احنا عارفين الدبان بينقل

المذيع: الكورة فى وسط الملعب … وهى دى الطريقة اللى

الطباخ: بتنقل بيها الأمراض للناس خصوصاً لما يكون

المذيع: الدفاع مكشوف

الطباخ: وبيجى الدبان يقف عليه

المذيع: وفيه هجمة على الفريق وارتدت الكورة عالية يا سلاااام نزلت جوه

الطباخ: عصارة الطماطم – تعمليها عصير وبعدين تكبيها

المذيع: جوه الـ 3 خشبات … وبهذه النتيجة ضمن فريقنا إنه

الطباخ: يتحط فى النملية

المذيع: وزى ما احنا عارفين اللى حايوصل للنهائى حاياخد

الطباخ: الكسرونة الالومنيوم أم إيد خشب – وبكده تكون الأكلة جاهزة وتقدميها للضيوف وتقولى لهم

المذيع: قاعدين ليه ما تقوموا تروحوا

الطباخ: وبكده تنتهى حلقنا النهاردة من برنامج

الاثنان: عالم الباذنجان

أعزائنا المشاهدين .. ننتقل الآن إلى  “الكابتن توفيق” لإذاعة أخبار الرياضة

** فاصل موسيقي

مساء الخير مشاهدى الرياضة عبر قناة الفشر

تعطلت الهيئات وأغلقت المحلات وتوقفت المواصلات.. انتظارا لمباراة القمة بين فريقي كفر الحما و ساقية أبو شعرة ، وتتطلع الجماهير أن تتحقق المعجزة وينتصر الفريقان

ومن المنتظر أن يحضر المباراة كبار رجال الدولة ليؤكدوا للشعب أن الدولة دماغها في الكورة

بعد فوز منتخبنا القومي بالمركز الأول للكرة الشراب .. احتج الفريق المنافس على نتيجة المباراة .. مبررا أن الكرة الشراب مخالفة للمواصفات الدولية .. حيث كانت رائحتها نفاذة!

نقل الكابتن أبو الروس إلى المستشفى أثناء عرضه لكمال الأجسام وذلك بعد ما طق له عرقين!

شكرا لكم

اضف تعليق
الأسم
الإيميل
النص
تعليقات القراء
كوميديا المحارم
حمل العدد الإسبوعي