رئيس التحرير
اسلام شريدح
رئيس مجلس الاداره
اشرف نور
حبيبة جدو
28-11-2019 1:06:18
حبيبة جدو
Bookmark and Share
الشاعر: خالد فضل

اجمل بنوته بالكون

انا بيها ياناس مجنون

عايز اتنطط وياها

وانفخ وياها بالون

وارسم وياها الرسمه

ولون نفس اللون

هتقولوا عليا دا اوفر

ان شالله غبي ومغرور

اجمل احساس في الدنيا

اجمل احساس بيكون

انك تفضل محضون

عيل ولا عمرك تكبر

وغرامك عمره يطول

وحبيبتي .. حبيبة قلبي

تمسك فيا علطول

نظره من عينها اتحول

لملاك او شيخ بهلول

والرقه ف مسكة ايدها

بتحنن قلب الغول

اجمل احساس ف الدنيا

اجمل احساس بيكون

انك تفضل محضون

عاشق والعشق مطول

مدام العمر يطول

العشق دا اصله مرايه

بيبان فيها المستور

والعشق اللي جوايا

بيكفي عصور وعصور

عشقي من رقة طبعه

يشبه عشق العصفور

اجمل احساس في الدنيا

اجمل احساس بيكون

انك تفضل محضون

وحبيبتي حبيبة قلبي

تفضل عايشه على طول

جنبي وانا قلبي ف جنبي

وف اجمل حته ف قلبي

تلعب وتقول ماتقول

 

اضف تعليق
الأسم
الإيميل
النص
تعليقات القراء
كوميديا المحارم
حمل العدد الإسبوعي