رئيس التحرير
اسلام شريدح
رئيس مجلس الاداره
اشرف نور
الوطنيه
25-09-2019 21:40:03
الوطنيه
Bookmark and Share
الشاعرخالدفضل

 

    الوطنيه "

 

الوطنيه .. ياابن بلدي

 مش كلام

ولا  برفع الاعلام

الوطنيه .. ياحبيبنا  إلتزام

مش إيه ..  وليه ..  وبكام

الوطنيه .. مش علام

الوطنيه .. جين وراثي

ميورثوش غير الهمام

اللي مايعرف إلا  بلده

عشق بلده .. فرح بلده

وإن بلده تبقي دايما ف الامام

الوطنيه .. مش احتكار .. ولا  إحتقار

الوطنيه .. نص جنه ونص نار

ونص مشغول ليل وعتمه

ونص مشغول بالنهار

الوطنيه ... إني أصبر .. بس اصبر

لما حلمي يشب .. ويطول العمار

الوطنيه .. قطن بلدي وقمح بلدي

لما يخرج  شق في الارض السمار

الوطنيه .. لما نيلي .. يعلا يعلا

يملا  سدك ليل نهار

الوطنيه .. توب معمول عشان أحرار

الوطنيه .. فصل ف مدرسه للشطار

الوطنيه .. مش قلة قيمه

الوطنيه .. دي شغله شريفه كريمه

الوطنيه .. مفيش اسرار .. مفيش فجار

الوطنيه .. دا عرق يمد لسابع جد

مفيش في قاموسها .. مووت ياحمار

الوطنيه .. لقمه هنيه تكفي الميه

ومش هنسيبها للحراميه

هنفضل نحرس كل مافيكي

لحد مايرجع خيرك ليكي

بلدي بحبك ..  بروحي افديكي

تسمحي ل ابنك

يبوس اياديكي

ويشرح كلمه اجمل كلمه

الوطنيه ..  بيكي ..  وليكي

 

#الشاعرخالدفضل

اضف تعليق
الأسم
الإيميل
النص
تعليقات القراء
كوميديا المحارم
حمل العدد الإسبوعي