رئيس التحرير
اسلام شريدح
رئيس مجلس الاداره
اشرف نور
إنسيني
22-08-2019 1:49:32
إنسيني
Bookmark and Share

 

بقلم الشاعر : خالد فضل

لو  سمحتي إقفلي كل المواضيع القديمه

لو  سمحتي الكلام مبقاش يساوي أي قيمه

لو سمحتي قطعي كل الرسايل والقصايد وإدفنيها

لو سمحتي كل حاجه حلوه بينا دمريها إحرقيها

حتي أنفاسي القديمه غرقيها

خلصي علي كل حاجه خلصيني وخلصيها

لو  سمحتي إنسي فوقي وإنسي تحتي

وإنسي شكلي وإنسي نحتي

لو  سمحتي مهما كانت قصة الحب إللي كان

وإللي كان بينا زمان والأماني والأمان

والمشاعر إللي عملت ميت ديوان

لو سمحتي إقفلي كل البيبان

وبسواد قلبك ياريت .. لوني كل الحيطان

وابني أسوارك بنارك واحرقي كل المكان

متسبيش ولا  أي حاجه نفتكر بيها إللي كان

متسبيش ولا حتي ذكري من زمان

لو سمحتي إوعديني تفقديني

ولا أقولك موتيني وكفنيني وإدفنيني

لو سمحتي شييعي كل للي بينا

وشيعيني

وإبني شاهد جنب قبري

واكتبي جواه حبيبي ومات ياعييني

 

اضف تعليق
الأسم
الإيميل
النص
تعليقات القراء
كوميديا المحارم
حمل العدد الإسبوعي