رئيس التحرير
اسلام شريدح
رئيس مجلس الاداره
اشرف نور
شعبان عبد الرحيم افضل من هؤلاء
02-05-2019 23:41:32
شعبان عبد الرحيم افضل من هؤلاء
Bookmark and Share
بقلم : فتحى الحصرى

شعبان عبد الرحيم لافارق معاه تكريم ولا حتي كان مستنيه بدليل انه قال علي تكريم جامعة بنها بمنتهي التلقائية أهي حاجة كويسة يمكن تنفع بعد كدا...! 

شعبان اللي كان فارق معاه الناس العيانين اللي اول ماشافهم قرر يعمل حفلة وإيرادها كله ليهم .!
إدارة الجامعة قررت انها تشكرة بطريقتهم فأهدته درع الجامعة . يعني الدرع لافارق مع شعبان ولا يحزنون
اللي هايفرق مع شعبان كمية الوضاعة اللي طلعت من بعض النفوس الوضيعة ووصفته بالجاهل والتافه .وإنه مايستحقش وإن المثقفين اللي قاعدين علي الفيس طول اليوم يكتبوا قرف ومسميينه شعر هم اللي يستحقوا التكريم

شعبان الوحيد اللي قال باكره إسرائيل وشتم اردوغان وكل قادة أمريكا . شعبان البسيط جدا اللي لو اتكلمت معاه هاتلاقي كائن متصالح مع نفسه .لابينكر جهله ولا بيدعي انه من صفوة المثقفين .بيقابل التريقة عليه بتجاهل لانه ببساطه لاقراها ولا هايقراها علشان اصلا مابيعرفش يقرا لكن بيعرف يحب بلده ويحس بعيانينها ويعمل لهم حفلات ويتبرع بكل ايرادها ليهم .من غير درع ولا تكريم حتي لو كان من الأمم المتحدة لأنه ببساطة مش فارقه معاه 

اضف تعليق
الأسم
الإيميل
النص
تعليقات القراء
كوميديا المحارم
حمل العدد الإسبوعي