رئيس التحرير
اسلام شريدح
رئيس مجلس الاداره
اشرف نور
زغووووطه، ،،هيءءءءءءء
03-10-2017 2:08:49
زغووووطه، ،،هيءءءءءءء
Bookmark and Share
الست سنيه سايبه الميه تروخ تروخ من الحنفية،،،

 

بقلم : رنا مصطفى

الاهدار ،،،الاسراف ،،،التبذير

في عز ما في ناس كتير بتصرخ الحقوونااا علشان ارتفاع الأسعار و جشع التجار في استغلالنا و مص دمنا ب شاليمو،،إلا أن في ناس كتير متناقضة جدا،، وعلى سبيل للمثال وليس الحصر رمضان 2016 الاحصائيات  بتقول أن المصريين استوردوا فوانيس رمضان صينيه ييجي ب 70 مليون دووررراااررر،،أي والله،،،و ب 60 مليون دورررار تانيين جابوا الياميش ،،،لزوم الأزأزه أمام التلافازيون،،،يا خراشيي،،،يالللا خاللي العيال تفرح،،،،أهو شهر في السنه ،،،في العيد بقي تلاقي البتش فتشاكات جايبه صواني الكعك من الفرن ييجي ب 5000 جنيه ،،،و عامله جمعيه هي والجيران طول السنه علشان تصرفها في يومين ،،،اشي خيال يا ناس ،،،

 

لو فكرنا في الموضوع بتأني ،،،بعيد عن  ديناصور الطفاسه الخرافي،،،بطريقه عقلانية حنلاقي أن  شعوب الدول اللي الناحيه التانيه ،،أو،،، the other side of the mountain بيشتروا كل حاجه بالقطعه الواحده و بعد طول تفكير و حسابات لوغيتماريه،،،يعني لو ح يعمل طبق سلطة حيشتري طماطمايه واحده،،،فلفلايه واحده،،،لمونه ،،،و خياررررارررايه  واحده بصوت الزعيم عادل امام ،،،أما احنا فحدث ولا حرج ،،3 كيلو طماطم،،،4 كيلو خيار،،،5 لمونات،،،و كل أنواع الفلفل أخضر و أحمر و اصفر وبنفسجي و جانججاه ،،،،وفي الآخر كله بيترمي،،،

و لو عايزين  يعملوا عزومة تلاقي سفره صغننه محندقه تحتوي علي جميع العناصر الغذائية اللي الجسم محتاجها واللى مش محتاجها ،،،بس صنف واحد فقط من كل شيء،،،،يعني تلاقي نشويات و بروتينات و فيتامينات و خضار وفاكهه و كربوهيدرات،،،مختصرة في طبق صغيووور،،،أما احنا لا ااااا إزاي  يعني الضيوف ما يلاقوش غير صنف واحد من كل طبق ياعيب الشوم ،،الناس تقول علينا ايه،،،مش لاقييين ناكل  ولا مش لاقييين ناكل ،،،دول حتي الجيران ياكلوا وشنا،،،ولا الواد حماده المفعوص أبو نص لسان ابنهم ممكن يروح يجرسنا في الحاره و يقول للوليه أم فتحي النمامه ،،،دول ماكانووش طبخين غير فراخ و لحمه و كبده و سجق و ديك رومي ،،و سمك ،،،،لييه هو احنا مش قد عزومات و لا مش قد عزومات،،،،

الكلام ده جه علي بالي ياحضرات لما افتكرت يوم عيد وفاء النيل ،،،العيد الفرعوني اللي فضل المصريين لغاية دلوقتي يحتفلوا به  كرمز  وفاء لشريان حياتنا نهر النيل العظيم،،،و تكريم لفضله كشريان اساسي لأمن وبقاء وازدهار أي حضاره،،، لما اجدادي الفراعنه عرفوا اهميه المياه كرمز للحياة أقاموا هذا العيد،،،و تقول الاسطوره أن في يوم من الايام لم يفيض نهر النيل كما ينبغي كي يزدهر الزرع و الحرث  و الشعب ،،فاقترح الكهنة أن يتم اختيار احلي فتاه وقتها لكي تزف الي اله الفيضان الإله حااابي اله النيل و يقومون بتزينها بالحلي والورود و العطور و تقوم هي بإلقاء نفسها في نهر النيل لتتزوج اله فيضان النيل بالعالم الاخر،،،ولكن هذه الحكايه لا يوجد سرد لها علي جدران المعابد ولكن تعتبر مجرد رمز أن يتم إلقاء عروس خشبية للوفاء بفيضانه،،بالاضافه أن التاريخ أثبت أن الديانات المصريه القديمه لم تكن لتسمح بتقديم قرابين بشريه للالهه

أجدادنا علموا  مدي اهميه المياه  لانها مصدر الحياه و الرخاء والازدهار ،،،لدرجه أن المصري القديم عندما يتوفي و يذهب للحساب ويمثل أمام  الآلهة في محكمه مخصوصه لكي ينتقل الي العالم الأخر عليه أولا أن يثبت براءته فيقول عند دخوله الي قاعه رب العالم الأخر  يدافع عن نفسه ويقول  ( انا لم الوث مياه النيل ) ( انا لم أصد الماء في وقت جريانه)

لما رئيس الجمهوريه قال صراحه لازم نوفر في استهلاك الكهرباء ،قامت الدنيا و لم تقعد ،،،و بدأت زفه فرح بنت العمده مخيمر،،،زمر و طبل و خيل بيرقص،،،  ده طبعا غير المحلساتيه   اللي راحوا استوردوا لمبات لليد مخصوص من الصين لتوفير الكهربا ،،،و ناس تانيه وزعوها بالمجان في القري و النجوع تحت مسمي جمعيات و خلافه،،،،ناهيك عن من قاموا ب تلحين وتوزيع وتنظيم انشودات تمس القلب الولهان"اللمبه الليد للرجل الليد" "نموت نموت وتحيا الليد ""لا كهرباء بعد اليوم ،،،الليد الليد تحيا الليد "

طب ايه رأيكم في الميه،،،أو المياه،،،أي الموويه علي رأي حبايبنا في الخليج العربي،،،من الاخر المااااءءءء......اللي أصبح  نقصه  خطر عالمي متوقع يهدد البشريه و بقائها و كل العالم بيخطط  من دلوقتي لمواجهته ،،،علي أساس أن الميه هي أساس التنميه المستدامة للصناعة والسياحه و الزراعه،،،،،الخ،،ده طبعا غير أهميته في الديانات السماوية "وجعلنا من الماء كل شيء حي"

...و طبعا لو بصينا من ناحيه بايولوجية ،،،فسيولوجيه،،،ملوخيه،،،حنلاقي أن جسم الإنسان 70%منه تقريبا ميه و آل 30%الباقية متنوع بين فشة و كلاوي وكبر وشوية ممبار علي شويه حلويات،،،، يعني معني كده أن احنا من غير ميه تقريبا شبه الفسيخ المجفف،،،

يعني لازم رئيس الجمهوريه يقولها صراحه رشدوا استهلاك الميه علشان الازمه العالميه و برضه موضوع سد النهضة وكده علشان الحكومه تبتدي  تفكر في الموضوع خارج الصندوق،،،،سوري غلطت أقصد خارج القوقعه،،،حرام عليكم،،،ما اضحكش عليكم انا ب اكتب في الموضوع ده من شهر ،،،،و كنت ناويه أسن سناني بس كبسوني لما لقيت مشروع قانون جديد استحدث وهو تغريم كل من يقوم ب إساءة استخدام المياه،،،،طيب تمام حلو مايضرش،،،حاجه حلوه أهي أبتدت تندع،،،،بس برضه في حاجات تانيه كتير لازم تتعمل،،،لما كنت في مؤتمر  في تونس الخضراء  الجميله اللذيذة الراءعه بشعبها،،،لاحظت أغلب الفنادق تستخدم حنفية مياه موفرة وكهرباء موفرة عن طريق استعمال حنفية تدار بال infrared sensors أو حساس الأشعة تحت الحمراء،،،وطبعا ب يساعد في عدم اهدار الميه ،،،طيب ليه هنا ما تبتديش الحكومه تطبق النظام ده في جميع المؤسسات و الهيئات والمباني أو علي الأقل تعمم فكره استخدامها في العاصمه الاداريه الجديده،،خاصه أنها حتنفذ ب مقاييس  و مواصفات عالميه تنافسيه،،،

باضافه أن لازم تكون هناك حملات اعلاميه اعلانيه موجهه للمواطن بضرورة ترشيد استهلاك المياه و خاصه لما يعرف أن الممارسات الرشيدة في استهلاك الميه يوفر له قبل الدوله،،،و ازاي أن 70%من الميه تهدر عن طريق الاستخدام المنزلي الخاطيء

يعني مثلا عند غسيل الأسنان اليومي لو أغلق الحنفيه خلال تنضيف اسنانه يوفر 5 ليتر ميه في الدقيقه،،لو وانت واقف تحت الدش ما تزيدش عن دقيقتين يوفر لك،،لو قفلت الميه وانت بتغسل شعرك ب الشامبو حتوفر حوالي  550 لتر ميه اسبوعيا،،،لو فيه مواعين عايزه تتغسل بدل ما تفتح ميه جاريه من الحنفيه انقعها الأول في ماء ومسحوق،،لو عايز تزرع عندك ازرع في الربيع أو الخريف علشان احتياجات المياه تكون اقل،،،ممكن تستخدم مياه المطر لري الحديقه،،،،لو عايز تستعمل غسالات صحون أو ملابس عاده افضل انك تشتري اجهزه موفرة للطاقة و استخدمها مره واحده في اليوم و بكامل حمولتها،،،لو عايز تعيد استخدام مياه صرف الغسالة ممكن تستعملها في صرف التواليت،،مهم جدا انك تصلح أي حنفية بتنقط  لانها تهدر علي الأجل الطويل كميه كبيره من الميه،،،لما تحب تقي  زرع اسقيه  الصبح بدري أو بالليل منعا لتبخر  المياه،،،

ست البيت بعد اما تغسل الخضار والفاكهة ممكن تستعمل الميه في سقي  الزرع علشان مليانه معادن و فيتامينات ،،،برضه ميه سلق المكرونه،،،لو عندك عربيه و عايز تتغسل بلاش تستخدم خرطوم استبدله بجردلين واحد مليان ميه نضيف والتاني ب مسحوق و أسفنجه  كبيره،،،،لو عندك كلب وعايز تحميه حاول تحميه فوق مسطح أخضر علشان الزرع يستفيد و توفر،،،لو حتزرع استخدم نوع لا يستنفذ  استهلاك ميه،،،حاجه مهمه جدا استعمال التواليت كطفايه أو إلقاء المناديل يؤدي الي إهدار مياه اكثر،

لسه فيه حاجات كتر اوي ممكن نعملها  علشان  تساعد نفسك و بلدك ،

انا لما كبرت عرفت معني إعلان كارتون كنت بأشوفه زمااااان في  التلفزيون المصري،،،بيقول الست سنيه سايبه الميه تروخ تروخ في الحنفيه،،،ياريت ترجع الست سنيه تاني و تفكرنا بأخلاقيات كنا 

اضف تعليق
الأسم
الإيميل
النص
تعليقات القراء
كوميديا المحارم
حمل العدد الإسبوعي