رئيس التحرير
اسلام شريدح
رئيس مجلس الاداره
اشرف نور
هيه اللي قالت مش انا
03-04-2016 1:43:09
هيه اللي قالت مش انا
Bookmark and Share

              شعر : محمد هيكل

 

هيه اللي قالت مش انا

ملناش نصيب مع بعضنا

هيه اللى غابت من كتير

هيه اللى سابت من سنه

 

طب هيه راجعه تانى ليه

بتقول : نكمل حلمنا !؟

هيه اللي كات رافضه العتاب

ب عناد ماكانش ف صفنا

ما سبتش بينا أى باب

علشان نراجع نفسنا

 

هيه اللي كسرت قلبنا

واستخسرت فينا الهنا

 

طب هيه راجعه تاني ليه

بتقول : نكمل حلمنا !؟

.

هيه اللي خلّت بينا سور

و عليها شاهد ربنا

هيه اللي صعّبت الامور

و ماكانش فارق بعدنا

 

هيه اللي حكمت إننا

ننسى اللي كان بينا هنا

 

طب هيه راجعه تاني ليه

بتقول : نكمل حلمنا !؟

 

هيه اللي قالت مش انا

ملناش نصيب مع بعضنا

هيه اللى غابت من كتير

هيه اللى سابت من سنه

 

اضف تعليق
الأسم
الإيميل
النص
تعليقات القراء
كوميديا المحارم
حمل العدد الإسبوعي