رئيس التحرير
اسلام شريدح
رئيس مجلس الاداره
اشرف نور
محمد سعد يتسبب فى اعتزال الفنان الشاب هادي خفاجه
02-04-2016 23:55:17
محمد سعد يتسبب فى اعتزال الفنان الشاب هادي خفاجه
Bookmark and Share

تسبب الفنان محمد سعد فى ازمه فنية تعرض لها الفنان الشاب هادى خفاجه وقرربسببها اعتزاله الفن

وكتب الفنان هادي خفاجة عبر صفحته الخاصة بموقع التواصل الاجتماعي "فيسبوك" : "قررت أنا هادي خفاجة اعتزال التمثيل نهائيا في مصر، وده بسبب الموقف اللي أنا هاحكيه، موقف في قمة قلة الذوق اللي في الدنيا".

وكشف هادي تفاصيل اعتزاله قائلًا: "جاتلي مكالمة الساعة 12 بليل إن محمد سعد عايزني في تصوير في حلقة من برنامج "وش السعد" اللي هي كانت اليوم، وأنه عايز يقعد معايا، طبعا لبست وروحتله الساعة 1 بليل كان موجود الكاست كله ونجوم الحلقة أيتن عامر ومنة عرفة، وعملنا بروفة واتفقت مع مدير الإنتاج والملابس وكل حاجة وأستاذ سامح عبد العزيز المخرج قعدت معاه واتكلمنا عن الشخصية".

وقال خفاجه "اتفقنا أن التصوير بعدها بيوم خلصت كانت الساعة 4 الفجر، روحت البيت نمت وصحيت، استعديت نفسيا أن رايح التصوير وحفظت السيناريو، وكان الميعاد الساعة 5 المغرب".

وتابع خفاجة: "بعدها لقيت اتصال وأنا في الطريق الساعة 4 العصر من واحد من مساعدين الإخراج بيقولي أستاذ هادى إحنا أجلنا الاسكتش بتاع حلقة حضرتك وهنكلمك نقولك إمتى التصوير إن شاء الله".

وقال خفاجه  "بفتح "MBC مصر"، لقيت الإسكتش بتاعي اتصور بممثل تاني! طب ليه اللف والدوران؟.. الحمد لله تاريخي مش هيقف على حلقة، بس موضوع تقدير، أنا حبيت أحكي لأني وسط حاجات كتير حصلتلي مكنتش مستحمل حركه زي دي، وبكرة بإذن الله هاكون في نقابة المهن التمثيلية وهسلم أستاذ أشرف زكي عضوية النقابة، لأنها متلزمنيش في شيء دلوقتي، بس بجد كفاية تدمير في المواهب وإحباط في الناس لأن الوسط بجد أصبح عصابات تتحكم فيه".

وأنهى خفاجة كلامه  " إن شاء الله هكمل مستقبلي الفني في دولة تانية بتقدر الإنسانية قبل المواهب والمجالات وده قرار نهائي بجد بيني وبين نفسي مش هرجع فيه".

 

اضف تعليق
الأسم
الإيميل
النص
تعليقات القراء
كوميديا المحارم
حمل العدد الإسبوعي